月記

九月份貓貓忙到飛起，好多嘢一齊發生，搞到冇時間同我update blog，週記都冇時間寫，變咗月記，希望貓貓快d有轉機，唔駛成日做到咁夜又唔開心，仲要成日去睇醫生。

即刻寫噃呢個月d大事件簿：

肥妹一歲啦

但d baby fat 又冇少到，仲唔肯學行行，懶到死，真係女版萬肥，你睇佢同萬肥兩個好似樣，成兩兄妹咁料

大舅父結婚

我當然有去飲，又做花仔，套衫幾smart，肥妹第一次做花女，有d怯，成日要拉住我先得

貓貓生日

貓貓生日呢個星期，公司要搞大嘢，所以都冇乜特別節目，只係食飯同切蛋糕，行緊街時佢公司d人仲call佢叫佢即刻睇email同reply，貓貓咁有性格，緊係冇彩佢哋，希望貓貓心想事成，快d離開呢班冇人情味嘅無聊人。

九號風球後的好去處

星期五打九號風球，貓貓又多日假同我去飲茶，但佢好似唔多享受，唔通佢擔心奧馬衰收尾，原來係因為星期六姨丈請我哋成家去旅行，買哂飛驚冇得去啃錢，好彩星期六只係3號，我同萬肥先可以第一次用回鄉証。

今次目的地係深圳大梅沙嘅東部華僑城同喜來登resort，一到時天色仍然好差

好彩下晏已經有太陽，仲可以游水

間酒店同房都好靚

星期日去東部華僑城，好大，因為之前打風，今日先冇咁多人，唔駛點排隊，雖然未開哂d景點，但都行唔哂，下次要再嚟過

賀奧運閉幕，點都要同福娃影張相留念

仲有更多相 http://picasaweb.google.com.hk/karenchankl/dmkSmG

又探班

上兩個星期先話貓貓好忙，搞到週身傷哂，我日日都陪佢睇鉄打，有圖為証，成8個波波吸係個身度，一定好痛

咁驚嚇嘅埸面，一定要影相留念

雖然貓貓週身痛，佢連假期都要死撐開工，我同萬肥就去咗探佢，仲幫佢係台度做表演

睇完我哋嘅非洲鼓，仲有兒童帝女花嚟，我同萬肥都係第一次睇粵劇，又幾好睇!

探班

好耐冇寫BLOG，因為放暑假好忙，要學畫畫，貓貓又忙，要成日做到好夜，搞到隻手又舊病復發，成邊肩手好痛，睇咗幾次鐵打拔罐，仲有排睇，雖然佢隻手有病，但噚兩日仲要出外境拍嘢，冇睇錯，係拍片，同成班廿幾個小學生，係太陽下成三十幾度拍兩日室外境，曬黑哂，好錯冇中暑。貓貓成個Project跟足好辛苦，上至聯絡構思，下至買食物Book車都係佢做，佢老闆真係冇用，咁管理無能，想收買人命咩！我唔會放過佢！

第一日：北潭涌有紫昕姐姐參與

第二日：佢工作嘅校園，有我探班

旅行

呢個月真係宜去旅行，貓貓同包包啱啱去完曼谷同華欣，影咗好多hea嘅相，去呢條link就睇到http://picasaweb.google.com/karenchankl/0802

好彩都趕到返嚟同我慶祝Father's day, 仲影咗張全家福

肥妹表妹都有到，你哋好耐冇見佢，仲認唔認得佢，好似萬肥一塊肥料 

噚日又輪到姨貓姨丈去青峊，隻萬肥死跟住我哋去食飯，又去游水，仲同我個friend一齊睇去Bunny兔，隻兔仔畀我哋嚇死，成日搵地方躲，要捉住佢先影到相